بازرگانیی ئێران و هەرێمی کوردستان

تیجارەت ‌بان،ساماڵ عه‌بدولره‌حمان، به‌ڕێوه‌به‌ری گشتی گومرگی هه‌رێمی كوردستان دوور خستنه‌وه‌ی هه‌ریه‌كه‌ له‌ عه‌لی تۆفیق، به‌ڕێوه‌به‌ری ده‌روازه‌ی په‌روێزخان‌ و حسێن ئه‌حمه‌د به‌ڕێوه‌به‌ری گومرگی گه‌رمیان له‌ پۆسته‌كانیان پشتڕاسته‌كرده‌وه‌ و ئاشكرایكرد كه‌ هه‌ردوو به‌رپرسه‌كه‌ به‌ فه‌رمانێكی وزاری له‌سه‌ر داوای وه‌زیری دارایی دوور خراونه‌ته‌وه‌.

به‌ وته‌ی به‌ڕێوه‌به‌ری گشتی گومرگی هه‌رێم لابردنی ئه‌و دوو به‌رپرسه‌ له‌ چوارچێوه‌ی كاروباری ئیداری حكومیدایه‌ و بڕیاره‌ هه‌ردوو پۆسته‌كه‌ش به‌ وه‌كاله‌ت به‌ڕێوه‌ ببرێن .

بڕیاری دوور خستنه‌وه‌ی ئه‌و دوو به‌رپرسه‌ دوای ئه‌وه‌ دێت كه‌ نزیكه‌ی 10 ڕۆژ بوو شۆفێرانی بارهه‌ڵگر مانگرتنیان ڕاگه‌یاند و ده‌روازه‌ی سنوری په‌روێزخانیان داخستبوو به‌رانبه‌ر ئه‌و پارا زۆر و جیاوازانه‌ی به‌ پاساوی جیاواز لێیان وه‌رده‌گیرێت.