بازرگانیی ئێران و هەرێمی کوردستان

کۆڤان جەلال بەڕێوەبەری گشتی پیشەسازی هەرێم بە(خەڵک)ی ڕاگەیاند، خاوەنکارگەکان دەتوانن داوا لەوەزارەتی بازرگانی و پیشاسازی بکەن، بۆئەوەی مادەی خام بهێنن، وەزارەتیش لێخۆشبوونی گومرگی تەواویان بۆ دەکات.

ئەوەشی باسکرد، ئەوەی لەتوانای حکومەت و وەزارەتەکەیاندا بێت، هاوکاری خاوەنکارگەکان دەکەن.

باسی لەئەوەشکرد، هەفتانە داواکاری خاوەنکارگەکان جێبەجێدەکەن و دواکەوتنی تێدا نابێت.

ئاماژەى بەئەوەشدا، پێشتر هەندێک گرفت هەبوون، بەڵام ئێستا کێشەکان چارەسەرکراون.

ئەوەشی خستەڕوو، لەم پاڵپشتییەدا دەیانەوێت هەلی کار زیادبێت و بەرهەمی ناوخۆیی زیادبێت و ئەو سەرمایەیەی دەچووە دەرەوە لەناوخۆی کوردستاندا بمێنێتەوە.