بازرگانیی ئێران و هەرێمی کوردستان

تیجارەت ‌بان:  هەردوو بەرێوەبەرایەتی گشتی تۆماركردنی كۆمپانیاكانی هەرێم و بەغدا لەسەر سێ‌ خاڵی هاوبەش گەیشتنە رێككەوتن، لەوانەش رەوانەكردنی نووسراوەكان لە رێگەی سیستەمی ئەلیكترۆنی و بەستنەوەی داتای تۆماری كۆمپانیاكانی هەرێم لەگەڵ بەغدا و ئەو رێكارانەی تر كە پەیوەندیان بە  دامەزراندن و پاكتاوكردن و بودجەی كۆمپانیاكانەوە هەیە.  

هەروەها لە كۆبوونەوەكەدا هەردوولا تەئكییدیان لەسەر كەمكردنەوەو نەهێشتنی رۆتینیاتی كارگێڕی بۆ ئاسان گەیشتنی پەیام و نوسراوەكانی نێوانیان و فراوانكردنی چوارچێوەی پاراستنی ناوی بازرگانی لەسەر ئاستی عیراق و گواستنەوەی زانیاری دۆسیەی كۆمپانیاكان لە نێوان هەردوولا كردەوە .

هەروەك چەندین بڕیارو راسپاردەش بۆ زیاتر خزمەتگەیاندن بە وەبەرهێنەران و كۆمپانیاكان گفتوگۆیان لەبارەوە كرا بۆ ئەوەی بتوانن كارەكانیان بە پێی رێنماییەكان رایی بكرێت.