ئێران ناوەندێکی بازرگانی لە شاری سلێمانی دەکاتەوە
سەرکۆنسوڵی ئێران لە سلێمانی رایگەیاند، لە داهاتوویەکی نزیکدا ناوەندێکی بازرگانی لەم شارەدا دەکرێتەوە، کە 30 کۆمپانیای ئینتەرنێتی و 100 مارکەی جیاوازی ئێرانی لە خۆ دەگرێت.
تیجارەت بان، مەهدی شوشتەری، سەرکۆنسوڵی ئێران لە سلێمانی لەگەڵ بازرگانانی پارێزگای کرماشان کۆبووەوە و گوتی: "ئەو ناوەندە بازرگانییەی کە لە سلێمانی دەکرێتەوە لە بوارەکانی دۆزینەوەی بازاڕ، پەیوەندیکردن و گواستنەوەدا چالاکی دەکات".
کەیوان کاشفی، بەرپرسی ژووری بازرگانیی پارێزگای کرماشان، ئاماژەی بەوەدا سلێمانی و هەرێمی کوردستان دەروازەی ئاڵوگۆڕی بازرگانی لەگەڵ عێراقە و گوتی: "هەرێمی کوردستان دەروازەی ئاڵوگۆڕی بازرگانیی لەگەڵ سووریا و لوبنانیشە، هەرچەندە هەر ئێستاش بەشێوەی ناڕاستەوخۆ ئەو رۆڵە دەگێڕن".
کەیوان کاشفی باسی لەوەش کرد لە داهاتوویەکی نزیکدا کاڵا و کەلوپەل بەشێوەی راستەوخۆ بۆ بازاڕەکانی عێراق و هەرێمی کوردستان دەگوازرێتەوە.
بارهەڵگرە ئێرانییەکان کاڵا و کەلوپەل تاوەکوو دەروازە سنوورییەکان دەگوازنەوە، لە دەروازەی سنووری دایدەگرن و رادەستی بارهەڵگری هەرێمی کوردستان یان عێراقی دەکەن. گواستنەوەی راستەوخۆی کاڵا و کەلوپەل ئێستا بەشێوەی تاقیکردنەوە لە دەروازی سنووریی حاجی ئۆمەران جێبەجێ دەکرێت.
لە ساڵانی رابردوودا ئاستی ئاڵوگۆڕی بازرگانی نێوان ئێران و عێراق تاوەکوو 12 ملیار دۆلاریش رۆیشت، بەڵام بەهۆی کۆمەڵێک هۆکارەوە ئەمە ئێستا دابەزیوە. ئێران ئێستا لە بازاڕەکانی عێراق و هەرێمی کوردستان رکابەری زۆریشی هەیە.
بەرپرسانی ئێران، تورکیا بە گەورەترین رکابەری خۆیان دەزانن. تورکیا ساڵی رابردوو بڕی 18 ملیار دۆلار کاڵا و کەلوپەلی هەناردەی عێراق و هەرێمی کوردستان کردبوو، کە ئەمە دوو هێندەی هەناردەی ئێران بۆ عێراق بوو.
ئەگەر پێویستان بە هەر جۆرە کاڵا یان خزمەتێک لە ئێرانەوەیە، لە سەر یەکێک لە بابەتەکانی خوارەوە کرتە بکەن و فۆڕم و بەرژەنامەی ئاراستەکراو پڕ بکەنەوە پێدوایستییەکانتان لەرێگەی باشترین بڕەند و گونجاوترین نرخەوە دابین دەکەین
وەک میوان کۆمێنتێك بنووسە
- شارۆچکە پیشەیی هاوبەشی ئێران و هەرێمی کوردستان دەکرێتەوە
- هەولێر و ورمێ ئاڵوگۆڕە بازرگانییەکان تاوتوێی دەکەن
- ناوەندی بازرگانیی ئێران لە سلێمانی دەکرێتەوە
- فیلمێکی ئەسغەر فەرهادی لە فیستیڤاڵی فیلمی نێودەوڵەتیی سلێمانی بەشدارە
- وهرگرتنی خهڵاتی باڵای فستیڤاڵی پانتۆمیمی سلێمانی لهلایهن گروپی شانۆی ئێران
- گۆڕانکاری له دەوامی بەڕێوەبەرایەتیی پاسپۆرتی سلێمانی
- ئاگادارییەک لە فڕۆکەخانەی نیودەوڵەتیی سلێمانییەوە بۆ ھاووڵاتیان
