بازرگانیی ئێران و هەرێمی کوردستان

تیجارەت بان، ڕێوڕەسمەکە بە بەشداری و ئامادەبوونی کۆمەڵێکی بەرچاو لە هونەرمەندان، نووسەرانی کورد و بنەماڵەی محەمەدی ماملێ لە شاری مەهاباد بەڕێوە چوو و خەڵاتەکە لەلایەن کەسێک لە بنەماڵەی مالێیەوە پێشکەش بە کاوە فەقێ‌زادە کرا و پاشان لە چەند بڕگەیەکی ئەدەبی و هونەریدا شیعر و گۆرانی و وتار پێشکەش کرا.

خەڵاتی ماملێ، وەک هێمایەکی ڕێزلێنان لە هونەرمەندانی کورد، ماوەی ١٣ ساڵە چالاکە و لەلایان مەڵبەندی هونەریی ماملێوە ساڵانە پێشکەش بەو هونەرمەندە ماندوونەناس و تێکۆشەرانە دەکرێت کە خزمەتی هونەریی کوردییان کردووە و گەشەیان پێ بەخشیوە.

لە ساڵانی ڕابردوو خەڵاتی مەڵبەندی هونەریی ماملێ بە هونەرمەندانی کورد وەک: قادر عەبدوڵازاداە (قالەمەڕە) – ئەندێریاس ئیسرائیل خەمۆ (باکووری) – عەباس کەمەندی – عەزیز شاهڕوخ -  ناسر ڕەزازی – زۆزان – تیپی مۆسیقای سلێمانی – مەزهەر خالقی – خەلیل غەمگین – حوسێن سەفامەنێش – محەمەدڕەزا دارابی و دڵشاد سەعید.

کاوە فەقێ‌زادە، هونەرمەندی ئاوازدانەر، ژەنیار و مامۆستا و توێژەری مۆسیقایە و ساڵی ١٩٧١ لە شاری مەهاباد لەدایک بووە و شارەزاییەکی زۆری لە بواری ئاواز و مۆسیقای کوردیدا هەیە و بە شێوەی ئەکادیمی زۆر کاری لەسەر ئاواز و مۆسیقای فۆلکلۆر، بەیتە کوردییەکان کردووە. خاوەنی چەند کتێبێکی بواری مۆسیقایە و بەڕێوەبەری ئۆرکێسترای سەمفۆنیکی موکریانە.