هێڵی ئاسنینی عێراق لەگەڵ ئەوروپا به‌یه‌كه‌وه‌ ده‌به‌سترێته‌وه‌

Tuesday 7 Dec 2021 488 0
هێڵی ئاسنینی عێراق لەگەڵ ئەوروپا به‌یه‌كه‌وه‌ ده‌به‌سترێته‌وه‌ کۆمپنیای گشتی هێڵی ئاسنینی عێراق رایگەیاند، دەستیان بە گرتنەبەری رێوشوێنی پێویست بۆ بەستنەوەی هێڵی ئاسنین لەگەڵ ئەوروپا کردووە.

تیجارەت ‌بان:  تاڵیب جەواد حوسێنی، بەڕێوەبەری کۆمپانیای هێڵی ئاسنینی عێراق لە لێدوانێکی بۆ ئاژانسی هەواڵی عێراقییە ئاشكرای كرد، بەهۆی شەڕی داعشەوە هێڵی ئاسنین زیانی زۆری بەرکەوتووە.

 

ئاشکراشی کرد، لەگەڵ وەزارەتی گواستنەوە هەماهەنگییەکی باڵا هەیە، کە کۆمپانیایەکی گەورەی جیهانی راسپاردووە و دوای رەزامەندی لەلایەن ئەنجومەنی وەزیرانەوە، دەست بە رێکخستنی دیزاین و پەرەپێدانی هێڵی ئاسنین دەکرێت.

 

بەڕێوەبەری کۆمپانیای هێڵی ئاسنینی عێراق روونیکردەوە، کۆمپانیاکەیان جددیە لە بەستنەوەی هێڵی ئاسنین لەگەڵ ئەوروپا لە رێگەی تورکیاوە، بۆ ئەم مەبەستەش کۆتایی ئەم مانگە لەگەڵ دامەزراوە هونەری و ئەندازیارییەکانی تورکیا و هەرێمی کوردستان کۆدەبنەوە، تاوەکو خاڵی بە یەکەوە بەستنەوە لەگەڵ تورکیا دیاری بکەن، روونیشیکردەوە، ئەو پڕۆژەیە تاوەکو بەندەری فاو لە باشووری عێراق درێژ دەبێتەوە.

 

حوسێنی ئاماژی به‌وه‌ كرد، پلانی پێنج ساڵەی پەرەپێدانی هێڵی ئاسنین پەیوەستە بە تەرخانکردنی بودجەی پێویست، پڕۆژەی هێڵی ئاسنینی هەڵواسراویش لە خۆدەگرێت، کە کەرخ و رەسافە بە درێژایی 22 کیلۆمەتر بە یەکەوە دەبەستێتەوە.

 

ئاماژه‌ی به‌وه‌ش كرد، پڕۆژەكه‌ کەربەلا - مسیب - نەجەف - سەماوە، کە هێڵێکی کەوانەییە، به‌یه‌كه‌وه‌ ده‌به‌ستێته‌وه‌، كه‌ ئامانج لێی گواستنەوەی سەرنشینان لە ناوچەی فوراتی ناوەڕاست بە باشوور و باكوور و ناوەڕاستی وڵات، سەرەڕای پڕۆژەیەکی دیکەی هەڵواسراو لە نێوان نەجەف و کەربەلا، کە تایبەتە بە گواستنەوەی سەرنشینان.

امتیاز مطلب: 0%
ئایا ئەم بابەتە بەلاتانەوە بەسوود بوو؟ ‌به‌ڵێ نه‌خێر
کاڵا و شمەک وەرگرتنی نوێنەرایەتی دابین‌کردنی هێزی مرۆیی خزمەتکاری

ئەگەر پێویستان بە هەر جۆرە کاڵا یان خزمەتێک لە ئێرانەوەیە، لە سەر یەکێک لە بابەتەکانی خوارەوە کرتە بکەن و فۆڕم و بەرژەنامەی ئاراستەکراو پڕ بکەنەوە پێدوایستییەکانتان لەرێگەی باشترین بڕەند و گونجاوترین نرخەوە دابین دەکەین

وەک میوان کۆمێنتێك بنووسە

پشتڕاستی بکەوە