بازرگانیی ئێران و هەرێمی کوردستان

تیجارەت بان، کۆمەڵگای دەروازەی نێودەوڵەتی حاجی ئۆمەران بڵاویکردەوە: "ئەمڕۆ سێشه‌ممه‌ 2022/4/26 یەك باری ئاوی تەماتەی 830 گرامی بە بڕی 25 تەن و 80 کیلۆگرام بۆ وڵاتی سەرچاوە گەرێندرایەوە، بەهۆی دەرنەچوونی لە پشکنینی تاقیگەیی له‌ هۆبەی وەرگرتنی نموونەی خۆراک، چونکە لەگەڵ رێنوێنییەکانی وەزارەتی تەندروستی نەدەگونجاو ڕێگە بە هاوردەکردنی بۆ ناو هەرێمی کوردستان نەدرا".

ئەوەش خراوەتە روو: "هەر کاڵایەک و خواردن و خواردنەوەیە لە مەرزی حاجی ئۆمەران ئەگەر لە تاقیگە پشکنینی بۆ کرا و لەگەڵ رێنوێنییەکان نەگونجا، لە لایەن لێژنەی هاوبەشی دەروازەی نێودەوڵەتی حاجی ئۆمەران بە سەرۆکایەتی بنکەی کۆنتڕۆڵی جۆری حاجی ئۆمەران دەگەڕێندرێتەوە وڵاتی سەرچاوە و رێگە بە هاوردەکردنی‌ بۆ ناو هەرێمی کوردستان نادرێت".