بازرگانیی ئێران و هەرێمی کوردستان

 تیجارەت ‌بان، محەممەد مەهدی شەهریاری، پارێزگاری ورمێ بە میدیای وڵاتەکەی گوتووە، هەندێک مەرجی تایبەت بۆ هاتووچۆی گەشتیاران دیاریی کراوە کە گرنگترینیان بوونی کارتی وەرگرتنی پێکوتە و تێستی PCRی نێگەتیڤە.

بەگوتەی محەممەد مەهدی شەهریاری، بەپێی بڕیاری ناوەندی بەرەنگاربوونەوەی کۆرۆنا بڕیار بووە دوو هەفتەی دیکە واتە لە رۆژی 23.10.2021دا دەروازە سنوورییەکان بکرێنەوە، بەڵام وادەکەیان پێشخستووە.

شەهریاری کردنەوەی دەروازە سنوورییەکانی بۆ کوتانی گشتیی خەڵک و باشبوونی دۆخی تەندروستیی پارێزگاکە گەڕاندووەتەوە.

دەروازە سنوورییەکانی پارێزگای ورمێ لە یەک ساڵ و نیوی رابردوودا بەهۆی تەشەنەسەندنی کۆرۆناوە داخرابوون و تەنیا خوێندکار، بازرگان و ئەوانەی مافی نیشتەجێبوونیان هەبوو، رێگەیان پێدەدرا هاتووچۆ بکەن.

پارێزگای ورمێ 5 دەروازەی سنووریی هەیە، دەروازەی حاجی ئۆمەران لەگەڵ هەرێمی کوردستان، سەنەم بلاغی لە سنووری پولدەشت و ناوچەی خودموختاری نەخجەوان و هەروەها دەروازەکانی ماکۆ، رازی و سێرو لەگەڵ باکووری کوردستان.