بازرگانیی ئێران و هەرێمی کوردستان

تیجارەت ‌بان: عەتا محەمەد، جێگری سەرۆکی ھاوردە و ناردنکارانی ھەرێمی کوردستان بە ماڵپەڕی پارتی ڕاگەیاند، ساڵی ڕابردوو قەبارەی بازرگانیی نێوان ھەرێم و ئێران ھەشت ملیار دۆلار بووە و ئەمساڵ بۆ ١٠ ملیار دۆلار بەرز بووەتەوە و لەگەڵ تورکیاش پار ساڵ ١٢ ملیار دۆلار بوو ئەمساڵ زیاتر لە ١٢ ملیار دۆلار بووە.

ڕوونیشی کردەو، ئەو کەلوپەلانەی ھاوردەش کراوە لە ھەموو بوارەکاندا ھەموو بۆ ھەرێمی کوردستان نەبووە و بەشێکی زۆری ڕەوانەی پارێزگاکانی عێراق کراوە، چونکە ھەرێمی کوردستان دەروازەیەکی گرنگە بۆ دابینکردنی کەلوپەل بۆ عێراقیش، نەک تەنھا بۆ ھەرێمی کوردستان.

هەرێمی كوردستان لە ڕێگەی شەش خاڵی نێودەوڵەتی و ڕەسمیەوە لەگەڵ كۆماری ئیسلامی ئێران و لەڕێگەی مەرزی ئیبراهیم خەلیلەوە لەگەڵ توركیادا ئاڵوگۆڕی بازرگانی ئەنجامدەدات.