بازرگانیی ئێران و هەرێمی کوردستان

تیجارەت بان، فیلمی سینەمایی (ئەزموون The Exam) چوارەمین فیلمی بڵندی سینەماكاری كورد، شەوكەت ئەمین كوركییە، لە بەرهەمهێنانی مەمەد ئەكتاش، بەرهەمی هاوبەشی هەرێمی كوردستان و وڵاتانی ئەڵمانیا و قەتەرە؛ لە نوێترین بەشداریی نێودەوڵەتی لە بەشی سەرەكیی بیست و حەوتەمین خولی فیستیڤاڵی نێودەوڵەتی فیلمی (ڤیكتۆریا Victoria) لە وڵاتی كەنەدا نمایش كرا و لەلایەن هۆگران، ڕخنەگران و نووسەرانی سینەماییەوە، پێشوازیی لێ كرا و توانی خەڵاتی باشترین فیلمی بەشی (پێشبڕكێی نێودەوڵەتی)ی ئەم ڕووداوە گرنگە سینەماییە بەدەست بێنێت.

ئەزموون، بەرهەمی كۆمپانیای (میتۆس فیلم)ی بەرلین و كۆمپانیای (مەستی فیلم)ی سلێمانی، كە بە پاڵپشتیی وەزارەتی رۆشنبیری و لاوانی حكوومەتی هەرێمی كوردستان بەرهەم هاتووە و لە لایەن كۆمپانیای ئەڵمانی (ئاڕت هوود ArtHood) لە جیهاندا بڵاو دەبێتەوە.

بیست و حەوتەمین خولی فیستیڤاڵی نێودەوڵەتیی فیلمی (ڤیكتۆریا VFF) بە سەرۆكایەتیی دان مەك دۆنا Dan McDonagh و بە بەرپرسیاریی خاتوو كێتی كەی و بە نمایشی بەرهەمی وڵاتانی جیهان، لە بەشە جۆراوجۆرەكانی پێشبڕكێ و دەرەوەی پێشبڕكێ، لە ڕۆژانی 4 تا 13ی شوباتی 2022 لە شاری ڤەنكۆڤێر لە وڵاتی كەنەدا بەڕێوە چوو.