بازرگانیی ئێران و هەرێمی کوردستان

هاوڵاتیان و گەشتیاران ئاگاداردەکەینەوە کە پاش کۆبونەوەی بەڕێز (عەمید محمد تاهیر ) و (سەرپەرشتیاری تیمی پشکنینی ڤایرۆسی کۆرۆنا لە باشماخ ) بە بڕیار و ڕاسپاردەی بەڕێز سەرپەرشتیاری دەروازەی باشماخ ، گرفتی داخرانی بنکەی تایبەت بەپشکنینی کۆرۆنا چارەسەرکرا و لە ئێستادا بنکەی پشکنینی کۆرۆنای باشماخ بەشێوەی (٢٤) کاتژمێری لەئەرکدا دەبن و چیتر لەکاتژمێر (١٢) ی شەوەوە بنکەکەیان داناخرێت ئەمەش لەپێناو زیاتر خزمەت گەیاندن بەو هاوڵاتیانەی بەدەروازەکەدا گوزەردەکەن.

شیاوی باسە بەهۆی ئەوەی پێشتر لە کاتژمێر (١٢)ی شەوەوە تا (٨)ی بەیانی کارمەندانی بنکەی پشکنینی کۆرۆنا پشوویان وەردەگرت ، هاوڵاتیان و گەشتیاران دەبوو بمێننەوە لەناو دەروازەکەدا و ئەمەش ناڕەحەتی و سەختی بوو بۆ ئەو هاوڵاتیانە ، بۆیە لەمەولا لەکاتی گەیشتنی هەرکەسێک ، بەبێ گوێدانە کات دەستبەجێ لەلایەن کارمەندی ئێشکگرەوە ڕێکارە تەندروستی یەکانی بۆ ئەنجام دەدرێ و دواتر لەلایەن بنکەی نشینگەی باشماخەوە کاروبارە ئیداری و یاسایی یەکانیان بۆ تەواو دەکرێت بەشێوەی (٢٤) کاتژمێری و بەبێ وەستان و مانەوە.