بازرگانیی ئێران و هەرێمی کوردستان

تیجارەت بان، شێخ عەتا ئەحمەد، جێگری سەرۆكی یەكێتی هاوردە و ناردنكارانی كوردستان بە (خەڵك)ی ڕاگەیاند، لە ڕاستیدا هەموو بەرز و نزمییەك لە بەهای دۆلار، زیان بە بازرگانان دەگەیەنێت، چونكە بازرگان قەلەق دەبێت و ئەو دۆلارەی هەیەتی دەیگۆڕێتەوە كاتێك، كە زیاد دەكات، بەمەش زیانێكی زۆری بۆ بازرگانان و هاوردەكاران دەبێت، چونكە بازرگانان پارەكەیان هەمووی دۆلارە، ئەمەش كاریگەری دەبێت لەسەر ئەوەی ئیش و كاریش بووەستێنێت.

دەشڵێت: “تەنها بازرگانان و هاوردەكاران زیانمەند نابن، بەڵكو هاووڵاتیان و كاسبكارانیش زەرەرمەند دەبن بەوەی ئەگەر دۆلاریان هەبێت دەیگۆڕنەوە بە زەرەر”.

شێخ عەتا ئەحمەد ئاشكراشیكرد، ئەم بابەتە شتێكی كاتییە و دروستكراوە بۆ ئەوەی كۆمەڵێك خەڵك سوود لەم دابەزینە وەربگرێت، ئەمەش بڕیارێكی حكومەتی عێراقی دەوێت، كە بڕیار بدات لەسەر ئەوەی دۆلار بەرز بێت یاخوود نزم بێت.

ڕاشیگەیاند، ئەمە یارییەكە و بە بازاڕ دەكرێت، كە كۆمەڵێك خەڵك تیایدا سوودمەند دەبن.