پێشانگای ناساندنی زانكۆ یەكەمەكانی كۆماری ئیسلامی ئێران لە سلێمانی كرایەوە
دووه‌مین پێشانگای ناساندنی زانكۆ یه‌كه‌مه‌كانی كۆماری ئیسلامی ئێران له سلێمانی ده‌ستی به كاره‌كانی كرد.
تیجارەت بان: بەپێی ڕاپۆرتی (سه‌ركونسوڵی كۆماری ئیسلامی ئێران له سلێمانی)، سه‌رله‌به‌یانی ڕۆژی دووشه‌مه به‌رواری 23 ی ئابی 2021ی زایینی، دووه‌مین پێشانگای ناساندنی زانكۆ یه‌كه‌مه‌كانی كۆماری ئیسلامی ئێران له سلێمانی به ئاماده‌بوونی مه‌هدی شوشته‌ری سه‌ركونسوڵی كۆماری ئیسلامی ئێران له سلێمانی، دكتر هه‌ڤاڵ ئه‌بوبه‌كر پارێزگاری سلێمانی، د.ڕه‌زا نوێنه‌ری وه‌زیری خوێندنی باڵا و توێژینه‌وه‌ی زانستی هه‌رێمی كوردستان و سه‌رۆكی زانكۆی سلێمانی، سه‌رۆكی ئه‌نجومه‌نی پارێزگای سلێمانی و سه‌رۆكان و نوێنه‌رانی زانكۆكانی سنوری پارێزگای سلێمانی و هه‌ڵه‌بجه و گه‌رمیان و راپه‌ڕین و هه‌روه‌ها سه‌رۆكی كۆمه‌ڵه‌ی خوێندكارانی یه‌كێتی نیشتیمانی كوردستان ده‌ستی به كاره‌كانی كرد.
له مه‌راسیمی كردنه‌وه‌ی پێشانگاكه‌دا كه راگه‌یاندنه‌كان ئاماده‌یی چڕ و پڕیان هه‌بوو، سه‌ركونسوڵی كۆماری ئیسلامی ئێران له وته‌یه‌كدا بۆ ئاماده‌بووان ئاماژه‌ی به‌وه‌دا كه هاوتا له‌گه‌ڵ په‌ره‌پێدانی په‌یوه‌ندییه سیاسی، ئابووری و رۆشنبیریه‌كانی نێوان كۆماری ئیسلامی ئێران و هه‌رێمی كوردستان، هه‌وڵی فراوانكردنی په‌یوه‌ندییه زانستی و زانكۆییه‌كانیشدان. به‌ڕێزیان رایگه‌یاند كه به‌رێوه‌چوونی وه‌ها پێشانگا و ئیڤێنتێكی زانستی و زانكۆیی بۆ ناسینی توانا باڵا زانكۆییه‌كانی ئێران له‌لایه‌ن خه‌ڵك و ناوه‌نده زانكۆییه‌كانی هه‌رێمی كوردستانه‌وه زۆر به‌سود و گونجاوه و ئاماده‌یی ته‌واومان هه‌یه چه‌ندین یادداشتی لێكگه‌یشتن له بواری په‌ره‌پێدانی هاوكارییه زانستی و زانكۆییه‌كانی نێوان زانكۆكانی ئێران و زانكۆكانی هه‌رێمی كوردستان واژۆ بكه‌ین و لێكگه‌یشتنه‌كانی پێشووش جێبه‌جێ بكه‌ین.
شوشته‌ری به‌ئاماژه‌دان به‌وه‌ی كه سه‌ركونسوڵگه‌ری كۆماری ئیسلامی ئێران له سلێمانی له ماوه‌ی دوو ساڵی رابردوودا، ساڵانه 800 ویزای خوێندنی به خوێندكارانی هه‌رێمی كوردستان داوه، گووتی: بڕوامان وایه توانا زانستیه‌كانی زانكۆكانی ئێران زۆر له‌مه‌ی كه ئێستا پیشان ده‌درێت زیاتره و هیوادارین له ساڵانی ئایینده‌دا ڕێژه‌ی وه‌رگرتنی خوێندكارانی هه‌رێمی كوردستان له زانكۆكانی ئێران دا بۆ چه‌ندین هه‌زار خوێندكار به‌رز ببێته‌وه.
لای خۆیه‌وه پارێزگاری سلێمانی له وته‌یه‌كدا جه‌ختی له‌سه‌ر په‌ره‌پێدانی په‌یوه‌ندیه زانستیه‌كانی نێوان كۆماری ئیسلامی ئێران و هه‌رێمی كوردستان كرده‌وه و گووتی: ئێمه پشتیوانی له به‌ڕێوه‌چوونی ئه‌م جۆره ئیڤێنتانه ده‌كه‌ین. به‌ڕێزیان سوپاسی تایبه‌تی سه‌ركونسوڵگه‌ری كۆماری ئیسلامی ئێرانی كرد له سلێمانی و گووتی: له ماوه‌ی كۆرۆنادا به هاوكاری هه‌ردوولا نه‌مانهێڵا ئاڵوگۆڕی ئابووری و هاتوچۆی بازرگانه‌كان و خوێندكاران و ته‌نانه‌ت نه‌خۆشه‌كان له نێوان هه‌ردوولا بوه‌ستێت.
هه‌ر له‌م مه‌راسیمه‌دا به‌ڕێز سه‌رۆكی زانكۆی سلێمانی به نوێنه‌رایه‌تی وه‌زیری خوێندنی باڵا و توێژینه‌وه‌ی زانستی هه‌رێمی كوردستان ئاماژه‌ی به سێ سودی خوێندن له ئێران كرد بۆ خوێندكارانی هه‌رێمی كوردستان و گوتی: خاڵی هاوبه‌شی فراوانی ڕۆشنبیری و ئاسان فێربوونی زمانی فارسی و پله‌به‌ندی به‌رزی زانكۆكانی كۆماری ئیسلامی ئێران سێ خاڵی گرنگی خوێندنن له ئێران دا.
دووه‌مین پێشانگای ناساندنی زانكۆ یه‌كه‌مه‌كانی كۆماری ئیسلامی ئێران له سلێمانی به ئاماده‌بوونی 10 زانكۆی كۆماری ئیسلامی ئێران له بواره‌كانی پزیشكی و ناپزیشكی و له دوو به‌شی زانكۆی حكومی و زانكۆی ئازادی ئیسلامی به ئامانجی وه‌رگرتنی رسته‌وخۆی خوێنكاری نوێ له هه‌رێمی كوردستانی عێراق له 23 تاكو 25ی ئابی 2021 له ئوتێل هایكرێستی سلێمانی به‌ڕێوه‌ده‌چێت.
ئەگەر پێویستان بە هەر جۆرە کاڵا یان خزمەتێک لە ئێرانەوەیە، لە سەر یەکێک لە بابەتەکانی خوارەوە کرتە بکەن و فۆڕم و بەرژەنامەی ئاراستەکراو پڕ بکەنەوە پێدوایستییەکانتان لەرێگەی باشترین بڕەند و گونجاوترین نرخەوە دابین دەکەین
وەک میوان کۆمێنتێك بنووسە
- پێشانگایەکی تایبهت به کەلوپەلێ ئێران لە ھەولێر دەکرێتەوە
- پێشانگاى نێودهوڵهتیی سلێمانى بۆ كتێب كۆتاییهات
- یەکەمین پێشانگاى زێڕ لە هەولێر کرایەوە
- شاندی یەکێتی هاوردەو ناردنکاران هەرێمی کوردستان گەیشتە شاری ئەسفەهان
- وەفدێكی هەرێم بەشداری پێشانگەی نێودەوڵەتی تاران دەكات
- خانمە هونەرمەندێکی کورد، بووە یەکەم لە پیشانگای هونەرە دەستییەکانی تێنسی
- گۆڕانکاری له دەوامی بەڕێوەبەرایەتیی پاسپۆرتی سلێمانی
- نوسینگەی كەلتوری لە سلێمانی كرایەوە
- پێشانگای نێودەوڵەتی سلێمانی بەردەوامە
- پێشانگای نێودەوڵەتی سلێمانی بەڕێوەدەچێت
